Headlines News :
Home » » Fretilin prontu halo koligasaun ho partidu politiku Hotu

Fretilin prontu halo koligasaun ho partidu politiku Hotu

Written By Timor News Online on 7/10/2012 | 8:13 PM

 Notisias

Partidu Fretilin, prontu halo koligasaun ho partidu politiku, hanesan CNRT, PD, no Frente Mudansa atu bele forma governu hodi servi nasaun no povu timor tomak.
Tuir, Prezidente Bankada Partidu Fretilin, Aniceto Guterres ba STL, Tersa (10/7), iha Sala Bankada Fretilin, iha uma fukun Parlamentu Nasional, katak partiidu Fretilin halo ona komunikasaun ho Kay Rala Xanana Gusmao atu forma governu ida ne’e.
Maibe, to oras ne’e Partidu CNRT, ne’ebe lidera husi Kay Rala Xanana Gusmao, seidauk fo rezultadu kona ba kolegasaun hodi forma governu.
Pozisaun ne’ebe mai husi Prezidente Partidu Fretilin, Lu Olo, ho Sekretariu Jeral Partidu Fretilin, Mari Alkatiri fo sai tiha ona sira nia deklarasaun ba publiku katak Fretilin sei partisipa iha governu mai agora.
“Ami atu partisipa, ami tenke halo kolegasaun, maibe tenke tu’ur hamutuk hodi koalia ho didiak. Hau nia hanoin faze ida importante tebes, ba povu TL, bainhira ita koalia ho Prezidente CNRT Kay Rala, Prezidente Fretilin, Francisco Guterres Lu-Olo, ho Sekretariu Jeral Fretilin, Mari Alkatiri hodi forma governu ida ne’e,” hatete Aniceto.
Kona ba kolegasaun Fretilin ho CNRT, to oras ne’e Fretilin seidauk iha kreteria ida atu koalia ho CNRT ka PD. Agora dadauk Fretilin sei halo konvensaun hamutuk hodi desidi, kreteria saida maka presisa atu halo hodi hadia koligasaun forma governu. Informasaun kompletu iha STL Jornal no STL Web, edisaun Kuarta (11/7).

source: http://suara-timor-lorosae.com/berita-13874-fretilin-prontu-partisipa-iha-governu-xanana-sei-taka-ibun.html
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template