Headlines News :
Home » » Lasama: Estudantes Timoroan Iha Indonesia Balun Ba Badiu

Lasama: Estudantes Timoroan Iha Indonesia Balun Ba Badiu

Written By Timor News Online on 4/14/2014 | 7:20 AM



Primeiru Ministru Interinu Fernando Lasama de Araujo, konsidera estudante sira Timoroan ne’ebé ba eskola iha Indonesia ne’e balun la’os ba buka matenek, maibé ba badiu, tanba dala barak ona estudante sira ne’e kontra régra Indonesia nian hanesan pasaporte mate lakohi renova no viza mate lakohi troka.
Lasama afirma, estudante sira lahatene saida mak sira atu lori husi Indonesia mai Timor Leste (TL) hodi halo ba povu iha rai ida ne’e, liu-liu sira nia inan aman kontente, maibé ba halo fali buat oi-oin iha ema nia rai hodi hamoe TLnian naran.
“Tanba atu ba eskola iha ne’ebé-ne’ebé deit, ne’e desizaun ema ida-idak nian, labele iha fali dalan klaran mak foin hakfodak katak ou hetan tiha ona problema hanesan ne’e. Ida ne’e ha’u hanoin katak, balu-balun ba iha ne’ebá ne’e atu ba badiu, la’os atu ba buka matenek iha ema nia rai,”afirma Lasama ba jornalista sira iha Parlamentu Nasional, Sesta (11/4) hafoin Asemleia Parlamentar CPLP nian remata.
Lasama dehan, ba eskola iha Indonesia ka iha rai seluk, ida ne’e ida-idak nia hakarak no ida ne’e governu difísil atu tau liman ba. Satán mahasiswa, sira ne’e la’os labarik, inan aman labele tuir bebeik sira. Mahasiswa ne’e, ema bo’ot ona, sira hatene saida mak di’ak ba sira no saida mak aat ba sira.
“Labele hein katak, Estadu atu tau liman, ba moris ne’ebé mak ema ida-idak ninian. Tanba ne’e ha’u husu ba foinsa’e sira atu disiplina, hatene lei. Tanba balun ba iha ne’eba, viza mate mós lataka, pasaporte mate mós larenova, ida ne’e la’os mahasiswa,” tenik Lasama.
Ho ida ne’e Lasama fundamen katak, estudante sira ne’e hanesan foinsa’e ne’ebé mak laiha responsabilidade, tanba kontra ona régra Indonesia nian.
“Ida ne’e ita susar hela deit, ita atu fó pasu ida ba oin ita tenki tetu, atu hola desizaun ne’e tenki tetu didi’ak mak hola desizaun,”akresenta Lasama.tap
Source: JD Nasional
Share on :

1 comment:

  1. Hau concorda ho Sr. Fernando Lasama nia hanoin ne´e, hanesan estudante ita iha responsabilidade tomak ba ita nia an, katak wainhira ita sai husi ita nia Rain Timor Leste hodi ba buka matenek, tem de ser de ho hanoin ida nebe mak klean hodi atingi ita nia objectivo nebe mak ita planeia tia ona antes de sai husi Timor, e laos ita ba buka fali vadio ou halo buat nebe mak halo foer ita nia nação nia naran. ITA TEM DE SER hanoin katak wainhira ita iha rai liur, ita tem de jaga nama baik ita nia naçãoi nian, labele halo foer ita nia naran iha rai liur.importante maka objectivo ita nian atu ba estuda laos ba buka Rame ou buat seluk. IDA LAKON NE´ELAOS EMA SELUK, MAIBE ITA NIA INAN AMAN MAK LAKON. BUKA ATU ESTUDA MAKAS HODI FILA MAI TIMOR HODI DESENVOLVE ITA NIA RAIN.

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template