Headlines News :
Home » , » Hatama Mina Ilegal, Arguidu Selu Multa Ba Estadu

Hatama Mina Ilegal, Arguidu Selu Multa Ba Estadu

Written By Timor News Online on 5/28/2014 | 10:15 PM



Arguidu Manuel Gonçalves ho Romeo dos Santos, ne’ebe Ministeriu Publiku (MP) notifika hanesa arguidu tenki selu multa ba estadu, tanba provadu hatama sasan ho mina illegal husi Mota Ain mai Dili.
Iha loron 25 Julho 2013, arguidu Manuel Gonçalves ho Romeo dos Santos, lori gajoel ho minarai husi Mota Ain mai Dili. Iha asaun illegal ne’e polisia prende gajoel bidon 21, ne’ebe arguidu selu deit taxa ba minarai bidon 13 no gajoel bidon 8 la selu.
Arguidu sira mos tula mina rai iha masa 5 litru nian hamutuk 66, no litru 30 hamutuk 23 ne’ebe konsidera ilegal hodi halo polisia prende hotu mina no gajoel ne’ebe mak konsidera ilegal.
Ho arguidu sira nia hahalok ne’e MP akuza arguidu sira ho krime exportasaun ilicita tuir artigu 315 kodigo penal TL.
Arguidu Manuel hatete, akuzasaun ne’e los hotu, no nia foin halo primeiraves. Gajoel ho minarai hamutuk bidon 21 ne’e sosa husi Mota Ain no mina rai 5 litru ho 30 nian ne’e sosa tuir iha dalan ninin, ne’ebe la selu taxa. Maske nia rasik hatene katak ne’e kontra lei, maibe tanba nesesidade nia obriga hodi halo duni.
Arguidu Romeo mos konfesa tuir akuzasaun husi MP nian katak akuzasaun ne’e los hotu. I momentu ne’e kareta ne’ebe nia sae nia tau duni mina rai bidon 7 no gajlina 14 ne’ebe la selu taxa.
Rona tiha deklasaun arguidu sira nian, Tribunal submete kedas ba iha alegasaun final. Ne’ebe MP husu ba tribunal atu aplika pena multa ba arguidu, tanba sira konfesa tuir akuzasaun husi MP nian katak sira kontra duni krime exportasaun ilicita tuir artigu 315 kodigo penal nian ne’ebe nia kastigu kadeia tinan 3 no pena multa.
Iha parte seluk defeza husu ba tribunal atu aplika pena ne’ebe adekuado ba arguidu sira. No husu mos ba tribunal atu fo fila fali bidon 13 ne’ebe polisia prende tanba arguidu selu taxa ona.
Iha julgamentu ne’e tribunal aplika kedas desizaun hodi aplika pena multa kada loron arguidu Manuel tenki selu US$1.00 durante loron 180 no selu mos kusta ba judicial ho montante US$10.00.
Ba arguidu Romeo, Tribunal mos aplika pena multa kada loron arguidu tenki selu US$ 1.00 durante loron 120 no selu kusta judicial US$ 10.00. Audensia ne’e preside husi singular Julio Gantes, MP reprezenta prokurador Renato Bere Nahak. Arguidu sira hetan assitensia legal husi defensori publiku Marsia Sarmento . lia
Source: JD Nasional
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template