Headlines News :
Home » , » Estudante Sira Labele Monu Ba Manobra Australia

Estudante Sira Labele Monu Ba Manobra Australia

Written By Timor News Online on 6/24/2014 | 12:45 AM



Governu Australia dadau nee uza meus hodi hodi halo kampaiña Politika kazu Certain Maritime Agreement on Timor Sea (CMATS) nian ba estudante timor oan sira nebe estuda iha area rekursu naturais nian iha rai seluk.
Primeiru Ministru (PM) Kay Rala Xanana Gusmão husu ba Timor-oan hotu-hotu, liu-liu estudante Timor-oan sira ne’ebé dadauk ne’e estuda iha rai laran nomós iha rai liur, atu labele monu ba kampaiña polítika governu Australia nian nee.
Tanba Xanana dehan, laiha ema atu mai sobu Timor Leste (TL) nia unidade nasionál, ba integridade soberania rai ida ne’e nian. Maibé kuandu Timor-oan sira ne’ebé hakarak lakohi defende didi’ak rai ida ne’e.
“Ida ne’e depende ba Estudante Tiimor-oan sira, kuandu sira hakarak futuru sira nian ne’e di’ak, entaun defende didi’ak ita nia rai. Imi fa’an-an ba, imi simu osan oituan, ba hemu tiha tua, simu ba. Estudate sira tenki sai matenek, atu ikus fali mai kaer rai ida ne’e ho didi’ak,” PM Xanana deklara ba Jornalista sira iha MNEK Pantai Kelapa Dili, Segunda (23/6), hafoin enkontru ho komisaun CPLP.
Xanana hatutan katak, tanba atu demokrasia to’o iha ne’ebé, problema sira ne’e sei nafatin hela deit, la’e aat liu tan. Tanba ida ne’e maka, Timor Leste tinan 12 ona, nia buka halo demokrasia ida, maibé demokrasia ne’ebé diferénsia.
“Ita infrenta Australia iha Den Haag, no ita infrenta ConocoPhillips iha arbitrajen Singapora, tanba hanoin katak, kuitadu Timor ne’e ho S1, S2, mesak sarjana supermi deit tan be, kuitadu. Maibé ba ha’u ne’e, husik ita doko malu oituan,”afirma Xanana.
Tinan 24, Timor-oan sira sei manan rai Timor Leste ne’e mesak deit, ohin loron ne’e, Timor Leste iha ona forsa oituan, uluk ne’e imi sama, sama tiha ona, lalika mai sama tan.
“Tanba uluk tinan 24 ita sama-sama ne’e maka atu sama tan. Ha’u dehan la’e, laiha atu sama-sama, imi sama ha’u nia ain, ha’u hakilar,”tenik Xanana.
PM Xanana hasai deklarasaun hirak ne’e relasiona ho deklarasaun Bispu Auxiliariu husi Melbourne Hilton Dekain ne’ebé fó sai katak, ne’e dadaun governasaun Australia ne’ebé lidera husi Tonny Abbott uza kompañia mina sira hodi halo kampaiña polítika ba estudante Timor-oan ne’ebé estuda iha área rekursu naturais iha rai seluk.
Tuir informasaun ne’ebé Bispu ne’e hetan katak, oras ne’e dadaun governu Austrália uza kompañia mina sira iha Austrália hodi fó influensia ba estudante Timor-oan, atu nune’e labele fiar governu ne’ebé lidera husi Kay Rala Xanana Gusmão ba kazu Certain Maritime Agrement on the Timor Sea (CMATS).
Hilton dehan, governu Austrália uza maneira ida ne’e hodi fó impaktu ba kazu CMATS ne’ebé oras ne’e tama ona meza tribunál arbitrajen internasionál, iha Den Haag, Olanda.
“Ha’u labele prova katak Austrália uza instituisoens iha rai seluk para hodi komesa influensia estudante Timor-oan sira nia hanoin kona-ba Timor nia kazu ho Austrália, iha universidade ne’ebé Timor-oan iha, hodi muda Timor-oan sira labele suporta,” informa Hilton ba Jornalista sira, iha Dom Bosco Comoro Dili, Sesta (19/06), foin lalais ne’e.
Hilton klarifika katak informasaun refere oras ne’e kompañia Austrália komesa ona kampañia ba estudante Timor-oan sira ne’ebé hala’o estudu iha Australia.
Maski informasaun ne’e rasik povu Timor-Leste seidauk hatene, maibé instituisaun relijiozu sira iha Austrália komesa hatene ona.
Ho kampaiña subar ne’e, Hilton selu aviaun husi Austrália mai Timor-Leste hodi klarifika informasaun ne’e, atu nune’e Ministériu Edukasaun bele asegura estudante Timor-oan sira ne’e.
“Kampaiña subar iha Austrália ne’e ho objetivu atu influensia ba estudante Timor-oan sira bainhira fila mai lalika fiar governu hodi defende Timor,”tenik Bispu Hilton.
Hilton hateten tan, Austrália uza maneira oin-oin, tanbá espionajen ema hotu hatene ona, no oras ne’e komesa influensia fali estudante Timor-oan.
“Tuir informasaun ne’ebé ha’u rona katak halo kampaiña para hatuun hodi fó deskreve ulun boot balun iha Timor hamri’ik iha oin ba kazu ne’e. Sira (Austrália) uza táktika ida ne’e hodi halo Timor sente fraku,”afirma Hilton.tap
Source: JD Nasional
Share on :

4 comments:

  1. Fo Fiar ba iha ita nia ukun nain sira, tamba nação sira seluk so hakarak chupa e naok ita nia riqueza.

    ReplyDelete
  2. ba estudantes sira ne'ebe mak laran makrek ba rai timor natureza sei la fó fatin ba sira, tmb rai timr ne'e lulik ho nia natureza rasik, ba sira ne'ebe mak laran makerek natureza timor mak sei babeur sira,...aluta Avo Nana timor oan tomak sei Firmi metin no sei lahakiduk hodi defende ita nia soberania.

    ReplyDelete
  3. Viva Timor Lorosa'e Viva Povu Maubere Ho Buibere, ami ho ami nia Ulun Boot sira sei La Hakiduk, La Nonok, La Para ba manobra governu australia nian, atu sira mai Sama taan Ami Nia ULUN. Ami Povu TIMOR Komesa Adultu ona taan ne'e governu australia lalika mai doko rai tuun sa'e.

    ReplyDelete
  4. Timor hau nia rain,ami hotu hadomi o,ami sei lahusik o atu ema sluk mai sama bebeik o dobn timor,,foho no tasi matebian kablaki ramelau,railulik no matebian sira sei fo korajen nafatin mai ami hodi defende ita nia riku soin nebe mak iha...

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template