Headlines News :
Home » , » La Suku Kalsa, Lolita Simu Pankada

La Suku Kalsa, Lolita Simu Pankada

Written By Timor News Online on 6/24/2014 | 12:54 AM



Lolita Maria Alves ne’ebe Ministeriu Publiku (MP) notifika hanesan lezada, simu tuku husi nia kaben João Felisberto ne’ebe MP notifika hanesan arguidu. Tanba deit, Lolita la suku arguidu nia kalsa ne’ebe nakles.
Liu husi audensia julgamentu Juia singular le sai akuzasaun husi MP katak, iha loron 6 fulan Marsu 2011 tuku 18:30 OTL loraik, iha uma lezada hase arguidu hatais kalsa ida ne’ebe nia uza. Nune’e arguidu hirus hodi mosu diskusaun no arguidu basa lezada dala rua iha tilun hun no tuku iha rentos dala ida.
Hafoin rona tiaha kuzasaun arguidu João hili dalan nonok, no nia rekunhese katak nia basa dala rua iha lezada nia oin no tuku dala ida iha nia tilun hun. Nia baku tanba haruka lezada atu hadia kalsa talin ne’ebe at, haruka lezada atu suku. Maibe lezada la halo tuir, to loron arguidu foti kalsa ne’ hatais mak lejada hase dehan labele hatais. Nune’e sira diskuti malu, arguidu haruka lezada atu suku. Maibe lezada lakohi.
Nune’e mosu diskusaun no arguidu hirus hodi baku lezada. Maibe depois problema tiha sira diak malu to agora.
Iha fatin hanesan lezada Lolita Maria Alves hatete, arguidu baku nia dala rua iha oin no tuku isin ida iha rentos. Arguidu baku tanba haruka nia atu suku kalsa maibe nia la suku. Ne’e mak arguidu hirus hodi baku nia, maibe depois problema arguidu husu deskulpa no rezolve kedas familia uma laran. To agora arguidu la repete tan ona nia hahalok.
Depois rona tiha deklarasaun husi parte rua nian, tribunal fo tempu MP ho defeza halo kedas alegasaun. Iha alegasaun MP husu ba tribunal atu aplika pena multa ba arguidu, no parte defesa husu tribunal atu aplika pena multa e pena admoestasaun.
Desizaun ba kazu nee adia fali ba loron 14 fulan Junu, tuku 16:30 loraik otl. Audensia julgamentu ne’e presidi husi juis singular Antoninho Gonsalves, MP reprezenta prokurador Remizia da Costa no arguidu hetan asistensia legal husi defensor publiko Olga Bareto. Audensia julgamentu adia fali ba loron 14 fulan Julhu hodi rona leitura sentensa. Lia
Source: JD Nasional
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template