Headlines News :
Home » , » Posibilidade Bo’ot Laiha Retiru Maubara

Posibilidade Bo’ot Laiha Retiru Maubara

Written By Timor News Online on 6/23/2014 | 5:57 PM



Iha fulan hirak liu ba to’o momentu ida ne’e, isu konaba retiru Maubara sai ona asuntu públiku ne’ebé mak ema hotu hein, tanba ho esperansa katak, wainhira akontese duni retiru Maubara maka sei iha nutísia foun ruma konaba estrutura V Governu konstitusionál nian.
Públiku nia esperansa ba isu retiru Maubara maka, hakarak atu hatene iha ga lae, remodelasaun governu no iha ga la akontese duni ga lae, Primeiru Ministru (PM) atu rezigna-an tuir ninia deklarasaun ne’ebé mak nia hato’o tiha ona ba públiku iha fulan hirak liu ba.
Nutísia di’ak ba membrus Governu, maibé tristeza ba ema hirak ne’ebé mak karik lasatisfas ho membru V Governu ninia. Tanba Primeiru Ministru (PM) Kay Rala Xanana Gusmão hateten katak, nia seidauk iha hanoin atu halo retiru Maubara. Signifika iha posibilidade retiru Maubara kansela.
Tanba to’o oras ne’e dadaun PM Kay Rala Xanana Gusmão seidauk planeia data fiksu ba retiru Maubara, tanba sei haree uluk ba preparasaun simeira Comunidade dos Países Língua Portuguesa (CPLP) ne’ebé mak atu realiza iha Dili, iha fulan Jullu 2014.
“Retiru seidauk, ha’u halo semináriu dalabarak ona, ne’ebé ha’u lakohi halo retiru tan ona, agora ita sei preokupa ba simeira CPLP,” deklara PM Xanana ba Jornalsita siara, iha Palásiu Prezidensiál Aitarak Laran Dili, foin lalais nee.
Xefi Governu ne’e haktuir katak, retiru governu nian ne’ebé hala’o iha tinan kotuk iha Dare, hanesan retiru ida ne’ebé halo apresiasaun ba membru governu sira.
Xanana dehan, rezultadu retiru tinan kotuk, laiha hirus malu entre membru governu sira, maibé halo deit komprimisu ida katak ba oin tenke hadia prestasaun servisu iha V Governu Konstitusionál ne’e nia laran.
Xanana realsa retiru tinan kotuk hanesan retiru ida ne’ebé hodi halo analiza ba dezafius estadu nian hodi ejiji komponente sosiais tomak hodi servisu maka’as liu tan.
Maibé ba tinan ida ne’e mós, Xanana dehan sei halo retiru nasionál ida iha Maubara ho objetivu kontinua halo avaliasaun ba membru governu sira nia servisu durante Bloku Koligasaun eziste.
Antes ne’e, eis Primeiru Ministru, Marí Alkatiri mós hateten katak atu labele fakar tan osan estadu nian di’ak liu halo remodelasaun para hadia sasan ne’ebé naksalak iha Bloku Koligasaun.
Maibé Vise Primeiru Ministru, Fernando Lasama de Araújo, dehan atu remodela ka la remodela governu ida ne’e, kompeténsia Primeiru Ministru, Kay Rala Xanana Gusmão nian.
Lasama mós husu ba públiku labele halo bebeik espekulasaun ba remodelasaun, tanbá informasaun ne’e ladi’ak ba públiku. Antes ne’e mós tuir relatóriu husi Ministériu Finansas hatudu katak orsamentu Estadu US$ 1.5 billoens ne’ebé Parlamentu Nasionál aprova unanimidade, oras ne’e daudauk taxa ezekusaun foin maka atinji 36.0 %, enkuantu ezekusaun aktual foin maka atinji 21.3 %
Parlamentu Nasionál aprova OJE 2014 1.5 biloens ho votus unanimidade. OJE ne’e kompostu husi saláriu e vensimentu $ 176, 751 miloens, bens servisu $ 479, 527 milloens, tranferénsia públikas $ 336, 251 miloens, kapital menor $ 52, 122 milloens, no kapital dezenvolvimentu $ 455, 349 milloens.
Husi total orsamentu 1.5 billoens ezekusaun aktual ba oras ne’e daudaun foin maka atinji 21, 3 %, no sura hamutuk ho taxa ezekusaun foin maka atinji 36.0 %.
Dadus sira ne’e fó sai baz eia ba relatóriu ne’ebé Ministériu Finansas up date kada loron.tap
Source: JD Nasional
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template