Headlines News :

Intruksaun Husi PM, SEPI Enkamiña Grupu Feto ba MCIA

Written By Timor News Online on 12/09/2014 | 11:10 PM



Sekretario Estadu Prómosaun Igualidade (SEPI) hetan intruksaun husi Primeiru Ministru(PM) tanba ne’e, SEPI sei enkamiña grupu feto ba Ministériu Comérsiu Índustria no Ambiente (MCIA).
“Hau rasik hetan instruksaun hosi sua exelensia Primeiru Ministru atu naran grupu sira hotu ne’ebé maka hetan apoiu hosi SEPI, hau sei haruka hotu ba MCIA,” hatete, Idelta Maria Rodrigues, ba jornalista, Sabadu (06/12), iha Fundasaun Alola, Mascarinhas, Dili.
Idelta esplika liutan, PM husu atu haruka grupu sira nia naran ba MCIA, se’e maka sei hasae, se maka sei halo marketing ba tinan hirak nia laran SEPI suporta grupu feto sira MCIA maka iha responsabilidade.
Tanba ne’e, Idelta husu, ba grupu feto sira, labele dehan ne’e SEPI nia knar lae tanba ne’e MCIA nia knar ministeriu tutela maka hatutan fa’an produtu ho folin oinsa mai hosi ministeriu tutela.
“2015 labele hanoin halo proposta ba SEPI, hau aviza kedas 2015 laiha proposta ba transferensia publika atu hare ba feto sira nia aktividade ki’ik oan sira,tanba ne’e grupu feto sira ne’ebe maka durante ne’e hetan apoiu hosi SEPI tempu to’o ona esntrega ba MCIA,” Idelta apela.
Nia hatutan, tinan oin (2015),osan ba grupu feto sira sei laiha, husi fundus tránfensia públika. Maiske nune’e, Governante ne’e garantia katak, ministeriu tutela sei mekanismu oinsa maka bele iha fatin ida diak atu nune’e ema ne’ebe maka tama rai laran karik labele iha duvidas.
Tanba maioria ita tama mai iha ne’e se maka halo produtu sira ne’e, feto sira,tanba feira ne’ebe maka durante halo depois de ukun an dominante husi feto.
Maiske nune’e, Idelta rekoenese katak, grupu feto barak maka susesu I barak maka la susesu. Tanba ne’e, SEPI sei hadia buat barak iha tinan 2015 hodi halo monitorizasaun ba benifisiriu sira ne’ebe maka simu osan fundus transferensia publika I sei kontinua fali iha tinan 2016.
“Tinan ne’e ami propoin 2,3 miloes,osan ki’ik los tanba ne’e maka ami tenke hare ba estratejiku, importante maka kordenasaun interministerial forsa nunee hametin relasaun diak bele fo impaktu positivu ba grupu benifisiariu sira iha kraik,” nia dehan.
Iha fatin hanesan sekretariu estadu industria I koperativo,Nino Pereira hatete,tinan 2015 sei fo apoiu tomak ba aktividade grupu feto sira,tanba ita iha fundus tranferensia publikas ne’ebe kada tinan governu aloka atu bele kontinua hakbi’it nafatin fo estimulasaun nafatin ba grupu industria ki’ik sira para nune mantein nafatin sustentabilidade produzaun ba produtu sira ne’ebe maka halo tiha ona.
Governu kontinua haforsa aktividade sira ne’e para haforsa ekonomia familia nian ,tanba ita koalia kontextu mikroekonomia para oinsa ema hotu bele iha rendementu ne’ebe maka naton hodi kontribui ba rendementu familia nian.
Nia dehan,Naran katak ita tenke onestu ,tenke iha komunikasaun diak ,kordenasaun diak entre grupu ,sosiedade sivil ,governu servisu sectorial hanesan SEPFOPE ,SEPI,sector privado ,kamra komersiu industria ,ministeriu komersiu industria ita hotu bele kopera servisu diak liu tan.
Difisil ba ita ,bainhira ita hotu hotu iha komitmentu ,iha integrudade para oinsa bele servisu hamutukiha area oi-oin hanesan iha servisu interdependensia.
“Izemplu hau presija mana sira nia produtu iha maubara,mana sira mos presija apoiu hosi governu ka NGO sira ita hotu halao aktividade ho funsaun sentiment orgullu nudar timoroan I tenke hahu sentiment orgullu bainhira ita uza produtu timoroan nian ida ne’e maka ita tenke explira hosi boa vontade hosi ita nia an rasik”dehan Nino
Nia realsa ,Ita agora dependensia total ba sasan sira ne’ebe maka mai hosi liur,tantu asesor ki’k sira mos ita sosa hosi rai liur ,tanba ne’e liu hosi feira ne’e ita kampaña I sensibilizasaun lao nafatin para oinsa ita kuda ispiritu hadomi ita nia proidutu ,mensajen ida ne’e maka tenke kampaña hela deit. eby
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template