Headlines News :
Home » , , , , , , » Kompañia Heineken Sei Loke Fábrika Serveja Iha TL

Kompañia Heineken Sei Loke Fábrika Serveja Iha TL

Written By Timor News Online on 12/09/2014 | 11:13 PM



Governu liu husi Sekretaria Estadu ba Apoiu no Promosaun Setór Privadu (SEAPRI) aprova ona Kompañia Internasional Heineken atu Loke Fábrika Serveja ida iha Timor-Leste sei emprega taballadór to’o 1.000
Tanba ne’e Governu TL reprezenta husi SEAPRI, Veneranda Lemos no  Xefe Ezekutivu Heineken Àzia Pasífiku, Roland Pirmez, sei asina akordu iha fulan Janeiru 2015.
Aprovasaun investimentu Heineken nian iha Konsellu Ministrus, Heineken sei sei emprega taballadór to’o 1.000 hodi ajuda governu hamenus dezempregu entre jóven sira.
Uluk-liu empreza refere sei hahú programa kapasitasaun hodi treinu Timor-oan sira iha rai laran no rai liur hodi servísu iha nia fábrika iha Hera, enkuantu hein konstrusaun fábrika, ne’ebé sei ramata iha tinan rua.
Sekretária Estadu ba Apoiu no Promosaun Setór Privadu Timor-Leste, Veneranda Lemos, hateten Kompanha refere kuinesidu iha mundu.
“Marka Heineken ne’e marka koñesidu no kompañia iha fábrika serveja iha mundu tomak. Nia prezensa iha rai laran nu’udar indikasaun forte katak Timor-Leste  nasaun ne’ebé di’ak ba investidór sira. Lori de’it fulan hirak nia laran husi loron simu aplikasaun investimentu to’o hetan aprovasaun husi Konsellu Ministru. Prosesu ne’ebé lais tebes sentraliza iha TradeInvest, balkaun úniku ba investimentu,”afirma SEAPRI, Veneranda Lemos.
Estabelesimentu SEAPRI iha Kintu Governu Konstitusional iha tinan 2012 no kriasaun Ajénsia Espesializada Investimentu (AEI) atu substitui TradeInvest Timor-Leste, ne’ebé AEI programadu atu hahú servisu husi loron 1 Janeiru 2015,  Governu TL reafirma nia kompromisu atu fó prioridade ba TL hanesan destinu investimentu.
Ajénsia espesializada investimentu foun nu’udar balkaun úniku ba investimentu no promosaun komérsiu ne’e orgaun autónoma ho nia responsabilidade prinsipál maka atu atrai, halo negosiasaun, hasai sertifikadu investimentu, buka atu mantén, fó asisténsia, no fornese servisu di’ak ba investidór nasionál no internasionál sira.
Tantu funsaun prinsipál seluk maka promove komérsiu entre Timor-Leste ho nia parseiru komersiál. AEI nia portál eletróniku iha futuru maka www.invest-tl.com, ne’ebé nia aparénsia sei atualiza iha futuru. rey
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template